በአውሮፓ የመጀመሪያው መንፈሳዊ የእግር ጉዞ “የተክልዬ ተጓዦች” በሚል ስያሜ በኢንግላንድ ከስቶክ ኦን ትሬንት ወደ ሊቨርፑል በሚጓዙ ምእመናን ተጀመረ !
This post is only available in Amharic.
ቀደምት አባቶችን በመዘከር የኢትዮጵያ ኦርቶዶክስ ተዋሕዶ ቤተ ክርስቲያንን ለማስተዋወቅና የጻድቁ አቡነ ተክለሃይማኖትን ሐዋርያዊ ጉዞ ምክንያት በማድረግ ታላቋ ብሪታንያ በስቶክ ኦን ትሬንት ከተማ የሚገኙ የቅዱስ ሩፋኤል ወአቡነ እጨጌ ዮሐንስ መንፈሳዊ ማኅበር አባላት የፊታችን ቅዳሜ በሊቨርፑል ከአቡነ ተክለሃይማኖት የሚከበረውን የጻድቁን የዕረፍት በዓል ምክንያት በማድረግ በአውሮፓ አህጉር የመጀመሪያውን 18 ሰዓታት የሚወስደውን የእግር ጉዞ በዛሬው ዕለት ጀምረዋል።
የእግር ጉዞው ነገ ዓርብ ከቀትር በኃላ ሊቨርፑል በመግባት እንደሚጠናቀቅ የሚጠበቅ ሲሆን ምእመናኑ በሚያልፉባቸው ከተሞች የጻድቁ አቡነ ተክለሃይማኖትን ሐዋርያዊ ጉዞ በማሰብ በየከተማው ለሚገኙ የሀገሪቱ ነዋሪዎች የጻድቁን ሕይወትና የኢትዮጵያ ቤተ ክርስቲያንን በማስተዋወቅ በራሪ ወረቀቶችን በመበተን ጉዞ የሚያደርጉ መሆኑ ነው የተገለጸው።
በዩናይትድ ኪንግደም የሚገኙ ምእመናን በዓይነቱ ልዩ የሆነውን እና ለበጎ ዓላማ የሚካሄደውን ይህንን መንፈሳዊ የእግር ጉዞ በማበረታታት ላይ እንደሚገኙ ነው የተጠቆመው።
ነሐሴ 22 ቀን 2017 ዓ.ም (ተ.ሚ.ማ/ለንደን)